ஒன்இந்தியா: ஏப்ரல் 21, 2012, 16:50
தமிழகத்தின் முதல் ரோல்ஸ் ராய்ஸ் கார் உரிமையாளர் என்ற பெருமையைப் பெற்றுள்ளார் பிரமாண்ட இயக்குநர் ஷங்கர்.
தமிழ் திரையுலகின் பிரம்மாண்ட இயக்குனர் ஷங்கருக்கு ரோல்ஸ் ராய்ஸ் காரைப் பயன்படுத்துவதில் அலாதி ஆர்வம். சிவாஜி படத்தில் கூட ஒரு காட்சியில் இந்தக் கார் வருமாறு பார்த்துக் கொண்டார்.
இந்தக் காரை புக் செய்யும் அனைவருக்கும் அதைத் தயாரிக்கும் நிறுவனம் உடனே கார்களை வழங்குவதில்லை.
தங்கள் காரை பயன்படுத்துபவர்களின் ஸ்டேடஸைப் பார்த்துதான் கார்களை ஒதுக்கும்.
இந்தியாவில் சில குறிப்பிட்ட தொழிலதிபர்களும், அமிதாப் பச்சன், அமீர்கான், தயாரிப்பாளர் விது வினோத் சோப்ரா, சஞ்சய் தத்தின் மனைவி மான்யதா உள்ளிட்ட சிலரும்தான் வைத்துள்ளனர்.
தமிழ்நாட்டில் முதன் முறையாக இந்த காரை வாங்கி இருக்கிறார் இயக்குனர் ஷங்கர். அவருக்கு ராசியான 8 எண் வருமாறு பதிவு செய்துள்ளார்.
பதிவு எண் 'TN 09 BQ 0008'!
